Għeżież Studenti, Għalliema u Staff,
Kultant ikollna x-xorti li niltaqgħu ma’ persuni speċjali, eċċezzjonali…
Ġganti ta’ persuni li nammiraw u jmissulna ħajjitna...
Don Bosco minn dejjem kien isaħħar għal warajh lil min jiltaqa’ miegħu.
Speċjalment liż-żgħażagħ li tant kienu jammirawh u jħobbuh.
Jiena personalment kemm il-darba tlabt l-għajnuna tiegħu għall-ġid taż-żgħażagħ li laqqagħni magħhom
u l-għajnuna li kien hemm bżonnha dejjem waslet.
Ejja iltaqa’ ma’ dan l-Edukatur ta’ klassi.
Ejja ħares lejh b’qima u itolbu jkun gwida għalik fil-ħajja u x-xogħol tiegħek.
Ejja itolbu f’qalbek għall-bżonnijiet tiegħek, tal-familja u tal-maħbubin tiegħek,
għax fih issib bniedem li jifhem lil kull żagħżugħ u żagħżugħa.
Ġwanni Bosco hu bniedem li ddedika ħajtu għaż-żgħażagħ
u għalkemm twieled 200 sena ilu, għadu kapaċi jmissilna qalbna anke llum.
Se nġibuh l-MCAST biex ikun viċin iż-żgħażagħ.
Apposta. Għalik ukoll.
Ejja nhar il-Ġimgħa fil-Main Hall, mit-8.30 sal-10am. Titlifx dan iċ-ċans.
** Jekk għandek bżonn, se jkollna Exemption Letters fil-Main Hall **
Ara l-videoclip tal-Aħbarijiet dwar Don Bosco: Is-Salesjani fl-MCAST u Don Bosco f’Malta fil-jiem li ġejjin
http://www.tvm.com.mt/mt/news/is-salesjani-fl-mcast-u-don-bosco-fmalta-fil-jiem-li-gejjin/
Fr. Antoine
f’isem it-Tim tac-Chaplaincy