Għeżież Studenti,
Bħal kull sena meta tispiċċa s-sena akkademika se mmorru nagħmlu esperjenza ta’ volontarjat ġewwa Vittoria fi Sqallija flimkien mas-sorijiet ta’ Madre Tereża. Din l-esperjenza hija twila madwar tliet ġimgħat fejn matulha ngħinu fl-organizzazzjoni ta’ kamp tas-sajf għat-tfal li ġejjin minn ambjent diffiċli.
Ta’ kull sena flimkien magħna jitilgħu xi żgħażagħ. Din is-sena ħsibna li noffru din l-opportunità lil żgħażagħ (studenti) tal-MCAST u ħbieb tagħhom. Għalhekk jekk
- għandek minn 18-il sena ’l fuq,
- tixtieq tkun parti minn din l-esperjenza u tagħti ftit mill-ħin tiegħek matul dan is-sajf li ġej,
- lest li toffri ħinek u tħaddem it-talenti tiegħek,
- lest li taħdem fi grupp,
ibgħat email għal aktar informazzjoni lil juan.debono@mcast.edu.mt.
Li tagħti mill-ħin tiegħek hu sabiħ għax tirċievi ħafna iktar. Tħallix li s-sajf ikun tgawdija biss! Nistiednuk tingħaqad magħna għal din l-esperjenza li tħallilek marka f’ħajtek.
Juan Debono
Ingrid O’Brien
Lecturers